Dat nieë Book. Plattdüütsk küeren küemt nich üöwerall gued an, et wet auk int Mönsterland nich van Jan und Mann vöstaohn. Dat wuer mi besunners klaor bi de Geschicht´, de mi een Frönd vötallt hat. Un nao düese Geschicht häb ick mien nieët Bööksken näömd. In „Wat küer de Lüe füör ´ne Spraoke . . ?” häb ick jüst sau äs in miene vüörhiärigen Bööker up 60 Sieten Dönekes un Riemsels fasthaollen, de mi tofäöllig üöwern Weg loopen aorre de mi söws passeet sint. De Geschicht´ met dat „Wiewater” is eene daovan, un „dat ick tweemaol grautet Glück had häb” mäkt düetlick, dat ick wul manks een Sundagskind sin.
Wat de Pastoor füör´n Problem met siene Bükse hat, äs dat manks met de Technik gaohn kann. Wu de Unnerschaid tüsken de Footbal un de Arbaid in de Buërie lig aorre wan du miärks dat du aolt büs, sint Dönekes uut düet Book. Et is all dat achte van Helmut Holz un et is akraot sau äs in siene anneren Bööker met Teeknungen van Wilfried Rothmann illustriert, de albineen to de Texte päössig sint.
Niëben Riemsels üöwer de Fastentiet, de Fröhjaohrsmaonde un ant Häädfüer staoht auk ne heele Masse drin met viëlle Müërglikkaiten to´t graleern. Van vettig üöwer fieftig büs hen to siëbentig un hunnert giewt Vüörsliäge up de Liäwensledder.
Helmut Holz: „Wat küert de Lüe füör ´ne Spraoke …?”, 60 Sieten met 17 Teeknungen van
Wilfried Rothmann un een Beld, Selbstverlag, 9,80 Euro
Speak Your Mind