Bessmoder is biätter äs Oma

Fief Bööker hät Helmut Holz, de Redakteur van de Sieten „Chanz Platt” in´t Magazin Westfalium, all schriewen. Vüör Wiehnachten is datt sesste van iähm haruutkuëmen.

Auk in dat nieë Bööksken, „Bessmoder is biätter äs Oma …!”, hät Helmut Holz up 56 Sieten Geschichten und Dönekes fasthaollen, de akraot sao passeert sint, aorre de jüst sao passeert sin´ kont. Wilfried Rothmann, der auk de fief fröheren Bööker van Helmut Holz illustriert hät, is wiër met vätteihn Beller daobi – un de possen alltohaup to de Texte – jüst sao äs de niegen Beller, de auk in dat Book sint.

Inkaups-Geschichten lait Helmut Holz siene Liäser metmaaken, aower he niëmt se auk met in de Büros van Düörpkes un Städen un kiekt daorop, wu er faken fröher togöng. Un waorüm een Buërnsuohn un Hiärwstgesell (Junggeselle) Malessen un Iärger met siene Äöllern har, äs de sick een Iesschapp koft harn, konn man iärst vöstaohn, wan man sick vöürstallt, wat iähm up eenmaol faile. Up elke Siete kiekt een Sats düör, de vüör Helmut Holz ümmer van grauten Belang west is. „Fröher was all´s guëd, vandage is all´s biätter – et wüör aower biätter, wan vandage all´s wiër guëd wüör!”

In Werne is dat niee Book bi Bücher Beckmann un den Stadtmarketing to kaupen. Außerdem is et in de Lippe-Buchhandlung in Lünen un be Schreibwaren Angelkort in Herbern te bekommen; online verkaupt Westfalium dat Book in sien Internet-Shop.

Helmut Holz: „Bessmoder is biätter äs Oma . . !”, 56 Sieten met 14 Teeknungen van Wilfried Rothmann, eene van Schwarze-Blanke un niëgen Beller

Helmut Holz, Selbstverlag, ISBN 978-3-00-077537-6