Naodenken üöwert Platt

Dat Naokieken un Naodenken üöwert Platt und üöwer dat Mönsterske Plattdüütsk steiht faken bi’n Arbaidskreis „Plattdüütsk” Olfen up’n Plaon. Et gait daorüm, de unnerschaidlicke Küërie van de enkelten (einzelnen) Tungensliäge to unnersöken, de et in Nuordrien-Westfaolen, Neddersassen un Rhienland-Pfalz giw.

Plattdüütsk wött överall anners küürt – Foto Heimatverein

Dat gase Wiärk sall hele (umfassend) torecht maakt wäen, daomet et füör de Tokunft fasthaollen wäät. „Wi maakt bi düsse Sake gäen met un frait us daobi to sien” säggt se bi de Olfener Plattküërers. Üöwer dreiduusend Lüe in mäer äs duusend Städen un Düörpkes sallt fraogt wäen un ächterhiär sallt de Uutkünfte int Internet to saihn un to höern sien. En biëtken draw man all bi’n Siegerländer Sprachatlas (SiSal) naokieken, de all online färrig stait.