Plattdüütsch Gebedebook

Plattdüütsch – Theater, Spökenkiekereij, aorre düftigen Derk (Unfug, Witz) – all dat kümmt daobi haruut, wann fraogt wet, worüöwer in´t Mönstersche Platt küert wet. Dat et auk anners geiht, bewiest Otto Pötter met sien nieët Book. Int wiede Mönsterland un auck int Suërland giwwt et vandage nao plattdüütschke Missen in de Kiärk, un de wet auk ümmer gään besökt. Miärstiet sint de auk gued besöökt, dann kuëmmt auk de Niesgierigen to den Misse. Aower faken passert dat nich.

Plattdüütsch Gebedebook van Autor Otto Pötter

Gaistlikke, de plattdüütsch küeren könnt, giwwt ümmer wainiger – biäter säggt, sao guëd äs üöwerhaups nich.

Otto Pötter hät met düet Book een guëdden Vösöök makt, dat Mönsterlänner Platt up´n nieën Patt unner de Lüe to brengen. Düët Book faoll mi in de Hänne, äs ick int Klauster Gerlewe in´n Bookladen nao plattdütschke Bööker socht hadde. Ick häbt dat Gebedebook upschlaohn un up Siete 174 fun ick dat Leed „Wi sind bloss Gast up Erden” un dat hät mi sao ansprueken, dat ick et mi faots halt häb.

Otto Pötter hät Leeder un Gebede fasthaollen, de in Hauchdüütsch Jan und Man kennt. Gebede füör alle Dage staoht drin, akkraot sao äs dat Vaderunser un de teihn Gebode. „Gott hölt us” is een Block näömd, Maria hät de Autor een grauten Platz inräumt un de Hilligen dat Jaohr hendüör kuëmmt auk nich to kuort. Met Texte uut de hillige Misse geiht dat Book nao tweehunnerttwintig Sieten to enne un ick mot säggen, et hät mi wahne gued tosäggt.