Vandage will eegentlick keen Mensch ´n “Messie” sien´n. Dat Wäördken steiht füör de Lüe, de nix wegschmieten könnt. Iähre Hüüser un Keller sind vull van Kraom un Saken, de dao all siet Jaohren staoht. Un et wätt jeden dag mehr, willdat van de aollen Klamotten aowwer auk nie nich nix wegrüümt wett.
Düsse Geschichte is ut dat Book “Dat Geld ligg op de Straot” van Helmut Holz. Nu dat Book in´n Westfalium-shop online bestöllen
Guod Dank giww et in de Spraok auk noch “Messies” – dat sind de Lüe, de sich van´t Plattdüütsch nich trennen wellt. Se haolt iähre aolle Moderspraok´ in Äähren un dat, offschon dat “Mönsterländschke” siet Jaohren trügg geiht. Binoh könn man auck seggen: Dat Platt stiewt uut.
Leiwer ´n plattdütske Messi sien – Plattdütske Geschichten un Riemsels van Helmut Holz
To´n Glück aowwer stimmt dat so nich. De plattdüütschen Theaterstückskes, de elket Jaohr in vielle Düörpkes in´t Mönsterland spiellt wett, sind ümmer gued besöökt. Duusende Tokiekers häwwt dann iähren Spaß an de fakten verdreihlikken, aowwer ümmer spaßigen Geschichten un Dönekes, de de “lärse” (Lebensart) van de Mönsterlänner gued wierspeigelt. Un auk de plattdüütschen Böökskes sind keene Ladenhüter, se find´t ümmer noch iähre Liäser, dat häww ick sölwst bi miene Dönekes miärkt. Äs ick met dat Schriewen anfangen bin, har ick nich dacht, wieviell Schriewers un Böökskes et daovon giww. Es freit me ouk, dat et in vielle Schoolen Lährer un Hölper gitt, de usse aolle Spraok an de Kinner wieder giewen wellt. Et wäör schön, wenn op düssen Weg vielle Kinner Togang to´t Plattdüütsche kreggen könnt. Schwaor genoog is et, dat weiht ick all lang – denn Lüe, van de man Antwoorden kreggen könn, giww´t Jaohr füör Jaohr´n biettken wenniger.
Ick huop, dat de Möh´, de sick de Lährers in de Schoolen un de Theaterspiellers in all de Düörpkes met dat aolle Mönstersche Platt makt, düssen Richtwieser stoppen könnt. Un dat is auk de Grund daofüör, dat ick gähn´n “Messie” in`t Plattdüütsche sin.
Speak Your Mind