Alle twee Jaohre giéwt de Rottendorf-Pries füör besondere Lüe, de sick üm de neederdütschke Spraoke vödennt maakt häbt. Düett Jaohr is de met teihnduusend Euro uutstaffeede Pries deelt wuorden. Sessduusend Euro gaoht an Dr. Robert Damme (Nottuln), un dat Filmkollektiv „wenndienaturnichwill” wet met veerduusend Euro füör iähren Westfäölsken Western WILD WILD WESTFALEN beluowigt.
Bi de fìérlicke Üöwergaw van den Rottendorf-Pries int Kulturgut Haus Nottbeck bi Oelde häbt Georg Bühren, de Priesdriäger von 1996 un 2014 met de Musikgruppe „Pattu”, un Prof. Dr. Markus Köster, de Vüörsitter van dat LWL-Medienzentrum, de Laudatio haollen un düetlick maakt, waorüm de Priesdriäger de Uutteeknungen vödennt häbt.
De Makers van den Film “Wild Wild Westfalen” hept 4000 Euro Unnerstützung kreggen – Bild Hannah Aders
Dr. Robert Damme hät de Pries füör siene Arbaid an’t Westfälische Wäödebook kriégen. Bi düsse Dokumentation des Niederdeutschen in Westfalen-Lippe hät he äs Verantwortlicher van de Kommission füör Mundartforschung uut ne heele Menge van Ziéddeln (mäer äs 1,5 Millionen) im üöwer diättig Jaohr de gröttsten Deel van de fief Bööker verfasst.
Un de Filmmakers häbt dat Book van Augustin Wibbelt (De Strunz), dat he 1902 schriéwen hät un wu et üm de Strontianit-Bergbau in’t Mönsterland göng, äs Anlass nuommen, un de Kampf üm de Besitzrechte nach ne Art van’n Western up humorvulle Wies uo plattdütsk düetlick to maken.
Düsse veer häbt met „WILD WILD WESTFALEN” eenen mönsterländskenW estern maakt. Met daobie wassen Hein Köhler, Nikos Saul, Dominic Stermann und Henning Wirtz (o.).
Dr. Robert Damme hät sich de Pries dür siene Arbaid met’t Westfäölske Wäödebook vödennt
Speak Your Mind