. . . et lesste Maol häb ick drüöwer küert, dat de Stiäden un Gemainden de Vüörslag van Ina Scharrenbach, de Ministerin füör Hemaot in Nordrhein-Westfalen, ümsetten könnt, un de Ortsschiller van iähr Stiäden un Gemainden met ´n Tosat van den plattdütsken Naomen uut tostaffeern. Aower dat is üöwerhaups nich gued annuehmen waor´n. Büs nu hät blaoß eene Gemainde van´t ganze NRW de Genehmigung, iähr Ortsschild met´n plattdütsken Tosat optostellen. Dat is Rödinghausen in´n Kreis Herford, wo baoll de Schiller met den Tosat „Ränghiusen“ an´n Ortseingang staohn sallt.
Fotomontage: Westfalenblatt
Äs twedde Stad kümp Drensteinfurt in de näichste Tiet daoto. „Stewwert“ steiht dann op veer Schiller an In- un Uutgang van de Stad unner den hauchdütsken Naomen van de Stadt an de Wärs (Werse). De Raot van Stewwert hät eenstimmig füör de Andrag van´n Hemaotvöain stimmt, un düssen an dat Ministerium nao Düsseldorf henschickt. Op de Tosage van´t Ministerium waocht se in Stewwert nu, aower de sall in de naichsten Wiärken kuemmen, häbt se van´t Ministerium in Düsselduorp sägt. De Hemaotvöain well de veer Schiller auk betahlen.
Ränghiusen und Stewwert sind daomet büs nu de ensigen Gemainden van NRW met´n plattdütsken Naomenstosat. In Lünkhusen hät de Raot van de Stad de Andrag füör Lünkhusen (Lüdinghausen) un Siäpro (Seppenrade) afliënt un in Werne (Waen an de Lipp) hät de Hemaotvöain ne trüggnuommen, willdat de Stadraot düörkieken lait, dat daofüör keene Mairhait tosammen kuemmen wüör. Un Andräge uut annere Städen wäör´n in Düsselduorp büs Anfang Mai nich ingaohn.
Speak Your Mind