We nich Lachen kann is arm

Üöwert Lachen un’t nich Lachen hät Jupp Balkenhol, de suërlandske Hemaotdichter, de vüör sess Jaohr´ in Hiärwstmaond (September) stuorwen is, en wunnerschönet Gedicht maakt. He hät mi viëlle van siene Dönekes un Riemsels schickt. Eent daovan was düsse Geschicht, düet Book un düet Gedicht.

Alle Dage fröndlick suin,

dann ies de Welt vull Sunnenschuin.

Wann op der Welt kein Lachen wäör,

dann wäör dao äok kein Spässken mähr.

Lachen küemmet iut me Hiärten –

let diän Alldag ues vergiätten.

Lachen hält dat Hiärte warm –

wai nich lachen kann, ies arm.

Lachen mäk´t de Siäle blank –

triurig suin, dat mäket krank.

Lachen ies jao säo gesund –

mähr äs Pillen hunnert Pund.

Lachen ies säo guet taum Fröggen –

daomet kamme alles seggen.

Et ies en Geschenk van buowen –

lot ues uesen Hiärguott luowen.

Lachen un en fröndlick Gesichte

kosten nit viell un sind doch säo lichte!

Jupp Balkenhol