Platt läern nao de Naturmethode: „Laot us in de Schoolen un Kinnergäörns gaon un met de Kinner „Platt“ küern!“ Dat is füör Hugo Sandmann van´n Heemaotvöain Schapdetten dat Wichtigste, üm das Mönsterlänner Platt lebennig to haollen. He is all siet Jaohren daobi, de schöne aolle Moderspraok wider to giewen. Un he freit sick drüöwer, dat et int Mönsterland in iärlike Schoolen wiër anbuoden un läert wäd un dat de Universität in Mönster een Läerstool füör de Niederdüütske Spraoke kriegen hät. Sandmann hät daoto bi´n Heematvöain schriewen: „Dat is ne graute Hölpe, üöwer de wi us frain küënt. Helpt et doch, dat usse Platt nich unner gait. Et is män guët, dat de Wiëtenschop sik nu auk dat Plattdüüske anniëmt. Män wann se Plattdüütsk äs Kultuurguët för de Naowiält hauge hollen willt, bruukt se Lüe met Plattdüütske Aoren un Muulen, de üör tolustert un sik för de Spraoke intresseert.
Hugo Sandmann: In de Schoolen un Kinnergäörns gaon un met de Kinner „Platt“ küern – Foto Sophia Demming
Dao dücht mi, de beste Methode föört Platt läern is ümmer nao de Naturmethode. Platt so läern äs eene Moder üöre Spraoke an üöre Kinner üöwerdrägg: Vüörküern, vüörsingen, vüörspiëlen – naoküern, metsingen, metspiëlen. Plattdüütsk is alltiet vüöraf eene „Küerspraoke“ un in twedder Linie eene „Schriew-Spraoke“ wäst. Plattdüütsk-Frönde, wann wi usse laiwe Platt redden willt, dann wät et hauge Tiet! Et is nich iärst fiew vüör twiälw – et is kuort vüörn Klockenschlag!
„Mönsterlänner Kinner küert! – singt un spiëlt Platt!“ Bi düsset Driëppen van viëlle Kinner uut´t Mönsterland in´n Mühlenhof bi de nederdüütsken Famillgendag wäön 2017 niëben viëlle Annere van veer mönsterschke Schoolen auk de Kinner van´n St. Bonifatius-Kinnergaorn uut Schapdetten daobi – se staoht ächten.
Speak Your Mind